ديوان الشعر

زائر

الله ولا بعض السوالف والعلوم
تحمل الرجال ملا يقدره

ما من وراها الا المشاكل والهموم
ياعنك ما فيها من الله خيره

عسا غضب خطلان الأيدي ما يدوم
وعسا عمار الطيبين معمره

يا سيدي سلطان قومني وأقوم
وأرجو من الله ثم منك المعذره

وأنا عن الزلات مانيب معصوم
والعفو يا كحيلان عند المقدره

أنا حفيد الي يسدون اللزوم
يوم أنها كان عبوس وغبره

والبيرق الخفاق من بين الرجوم
وحدب السيوف مورده ومصدره

بقيادة الي وحد الدولة عموم
شق الطريق ووحد الله ونصره

عبد العزيز الي اليا شن الهجوم
من صف عدوانه تضيق المقبره

اليا صفق له خشم من بين الخشوم
من قوة الصفقه يطيحن عشره

واصل على خوض المعارك بالعزوم
وتقطعت عوص النجايب في ثره

لين العلم رفرف على روس الرجوم
في ضل حدب بالدمي معطره

وحنا ما غيرنا العوايد والسلوم
الي خلق فينا الولاء ما غيره

معنا الولاء يزداد يوم بعد يوم
في صدورنا حتى ولو ما نقصره

وحكي الرخوم الي تروجه الرخوم
والله ما غير في محبتنا شعره

يا سيدي وأن راحت الأصحاب قوم
أحد يسند علم وأحدن حدره

فأنا دخيل حماك يا العبد الرحوم
لا تستمع فينا ولد ولا رجوى مره

يا مفرج الكربات يا قوي العزوم
ملاج لمن ضامه زمانه وعسره

أنت الذي عن زلة الجاهل تشوم
واليا كسرت العظم محدن جبره

محاسنك غيم ماهو مثل الغيوم
اليا اصطفق برقه يسابقه مطره

غيثن دومه حي يا حي القدوم
يروي الفياض الجرد اليا الله أومره

ويا سيدي محدن من الطيب محروم
قلت نعم عن الرجال مدوره

ولا أنت مثل طويق من بين الحزوم
كلن تذرى في حيوده وشجره

تبي الحقيقه يا عسى عمرك يدوم
شعر ما يكتب فيك ما فيه ثمره

وعفا عنهم الأمير سلطان وتم الأفراج عنهم

هههههههههههههههه..

تسلم اخوي ع الموضووووووووووووع..

و ان شاء الله نشوف جديدك..

صح لسانك

سلمت شاعرنا

موضوع: رد: ديوان الشعر الأحد سبتمبر 30, 2007 8:00 pm

مسكين حالهم والله

بسلمو اخويه عالطرح

زائر

مشكووووورين ع
المرور الجميل
وبتشوفون يديدنا انشاء اللة
بس في وقت ثاني

» الشعر
» بحور الشعر وأوازنه ...الشرح الكامل ...